நீங்கள் தேடியது "சினிமா தியேட்டர்"

திருச்செந்தூர்:

திருச்செந்தூர் அருகே உள்ள மேல அரசூர் பகுதியை சேர்ந்தவர் பார்த்திபன் (வயது 29). இவர் திருச்செந்தூரில் உள்ள ஒரு சினிமா தியேட்டரில் காவலாளியாக வேலை பார்த்து வருகிறார். சம்பவத்தன்று மாலையில் தியேட்டரில் படம் ஓடிக்கொண்டிருந்தபோது அங்கு வந்த 5 பேர் தியேட்டரின் கேட்டை திறந்து உள்ளே வர முயன்றனர்.

அவர்களை காவலாளி பார்த்திபன் தடுத்துள்ளார். அப்போது அவரை அந்த நபர்கள் குடி போதையில் அடித்து உதைத்துள்ளனர். இது குறித்து பார்த்திபன் திருச்செந்தூர் கோவில் காவல் நிலையத்தில் புகார் செய்தார். அதன் பேரில் போலீசார் வழக்குப்பதிவு செய்து 5 பேர் கும்பலை தேடி வருகின்றனர். #tamilnews

கொழிஞ்சாம்பாறை:

தூத்துக்குடியை சேர்ந்தவர் மாரியப்பன் (வயது 50). இவரது மனைவி காளியம்மாள் (45). இவர்கள் கேரளா மாநிலம் திருவனந்தபுரம் முக்கோலைகால் என்ற இடத்தில் தங்கி வியாபாரம் செய்து வருகிறார்கள்.

சம்பவத்தன்று இருவரும் திருவனந்தபுரத்தில் உள்ள ஒரு தியேட்டரில் சாமி-2 படம் பார்க்க சென்றனர். படம் பார்த்தபோது காளியம்மாள் அங்கிருந்த வாலிபரை பார்த்து சிரித்தாகவும், கவர்ச்சி பார்வை பார்த்ததாகவும் மாரியப்பன் நினைத்தார். ஆனால் அவர் அதை வெளியே காட்டிக்கொள்ளாமல் படம் பார்த்தார்.

சினிமா முடிந்த பின்னர் இருவரும் வீட்டுக்கு வந்தனர். வீட்டுக்கு வந்தபோது சிரிப்பு, கவர்ச்சி பார்வை குறித்து கேட்டார். அப்போது காளியம்மாள் மறுத்தார். இதனால் இருவருக்கும் இடையே வாக்குவாதம் ஏற்பட்டது.

இதில் ஆத்திரம் அடைந்த மாரியப்பன் அருகில் கிடந்த சுத்தியலை எடுத்து மனைவியின் தலையில் ஓங்கி ஓங்கி 4 முறை அடித்தார்.

இதில் காளியம்மாள் ரத்தவெள்ளத்தில் மயங்கி விழுந்தார். தலை பிளந்து ரத்தம் வழிந்தபின்னரும் ஆத்திரம் தீராத மாரியப்பன் வீட்டில் இருந்த அரிவாளை எடுத்து உயிருக்கு போராடிய மனைவியின் கழுத்தை வெட்டி துண்டாக்கினார். பின்னர் சுத்தியல் மற்றும் அரிவாளை நன்றாக கழுவி விட்டு மேஜை மீது வைத்தார்.

அதன் பின்னர் குளித்து விட்டு புதிய ஆடை அணிந்து கொண்டு எதுவும் நடக்காதது போல் திருவனந்தபுரத்தில் இருந்து செங்கோட்டை, நாகர் கோவில் வழியாக சென்றுவிட்டார்.

இது குறித்து திருவனந்தபுரம் பேரூர்கடை போலீசார் வழக்குப்பதிவு செய்து மாரியப்பன்னை தேடி வந்தனர். இந்நிலையில் நெல்லையில் வைத்து மாரியப்பனை கைது செய்து சிறையில் அடைத்தனர்.

பாரீஸ்:

வடக்கு பிரான்சில் உள்ள தொழில்துறை நகரம் ரென்னீஸ். அங்கு கயுமெண்ட என்ற சினிமா தியேட்டர் உள்ளது. அங்கு நேற்றிரவு காட்சி நடந்து கொண்டிருந்தது.

உள்ளூர் நேரப்படி இரவு 10 மணியளவில் உள்ளே புகுந்த மர்மநபர் பொது மக்களை கத்தியால் தாக்கினான். இதனால் அங்கு பதட்டமும், பரபரப்பும் ஏற்பட்டது. தியேட்டரில் படம் பார்த்துக் கொண்டிருந்த மக்கள் பயத்தில் அலறியடித்து உயிர்பிழைக்க தப்பியோடினர்.

தகவலறிந்து அங்கு போலீசாரும், தீயணைப்பு படையினரும் விரைந்தனர். கண்ணீர்புகை குண்டுகளை வீசி கூட்டத்தினரை போலீசார் கட்டுப்படுத்தினர்.

மேலும் தாக்குதலில் ஈடுபட்ட மர்மநபரை போலீசார் கைது செய்தனர். ஆனால் அவரது பெயர் வெளியிடப்படவில்லை. தாக்குதலில் 2 பேர் காயம் அடைந்தனர். அவர்களுக்கு தீவிர சிகிச்சை அளிக்கப்படுகிறது.

தாக்குதலுக்கான காரணம் தெரியவில்லை. இதுகுறித்து போலீசார் விசாரணை நடத்தி வருகின்றனர்.

விசாகப்பட்டினம்:

ஆந்திர மாநிலம் விசாகப்பட்டினம் கஜூவாகா பகுதியில் ஸ்ரீ கன்யா சினிமா ஹால் உள்ளது. இங்கு இன்று காலை திடீரென தீ விபத்து ஏற்பட்டது. தியேட்டரின் தரைத்தளத்தில் பற்றிய தீ, மளமளவெனப் பரவி கூரை வரை பற்றி எரிந்தது. இதனால் கூரையில் இருந்து பல அடி உயரம் நெருப்பு பிளம்பாக காட்சியளித்தது.

தீ விபத்து குறித்து உடனடியாக தீயணைப்புத் துறைக்கு  தகவல் தெரிவிக்கப்பட்டது. தீயணைப்பு வீரர்கள் 5 வாகனங்களில் விரைந்து வந்து தீயை கட்டுப்படுத்தும் பணியில் ஈடுபட்டனர்.

தீவிபத்தில் உயிர்ச்சேதம் எதுவும் ஏற்பட்டதாக தகவல் இல்லை. பல லட்சம் ரூபாய் மதிப்புள்ள பொருட்கள் தீயில் கருகியுள்ளன.  தீப்பிடித்தபோது ஒருசில ஊழியர்கள் மட்டுமே தியேட்டர் வளாகத்தில் இருந்ததாகவும், அவர்கள் உடனடியாக வெளியேறிவிட்டதாவும் தெரிகிறது. தீயை முழுமையாக அணைத்தபிறகே சேத விவரம் தெரியவரும். #AndhraFire #VisahapatnamCinemaHall

ஸ்ரீநகர்:

காஷ்மீர் மாநிலத்தில் தீவிரவாதிகள் பல்வேறு வகையில் அட்டூழியம் செய்து வருகிறார்கள். மக்கள் மீது பல்வேறு அடக்கு முறைகளை விதித்துள்ளனர்.


மாநில அரசு ஸ்ரீநகரில் மட்டும் சில தியேட்டர்களை திறக்க நடவடிக்கை எடுத்தது. ஆனால் பயத்தால் யாரும் தியேட்டருக்கு படம் பார்க்கவரவில்லை. இதையடுத்து திறக்கப்பட்ட தியேட்டர்களும் மூடப்பட்டன. இந்த நிலையில் இந்த தியேட்டர்களை பாதுகாப்பு படையினர் கைவசம் எடுத்துக் கொண்டு அதை ராணுவ முகாமாக மாற்றினர்.

தற்போது பாதுகாப்பு படை வீரர்கள் அங்கு தங்கி உள்ளனர். #Kashmir #theater